Təsİsçİ

Rzayev Xudaqulu Əhət oğlu

Əziz və dəyərli həmvətənlərim. Məni tanıyıb və tanımayanlar.

Sizinlə Minera MMC-nin 25-illik və özümün 60 illik yubileyim ərəfəsində kiçicik həyat hekayəmi paylaşmaq istədim.

1962-ci ildə Ordubad rayonunun Behrud kəndində müəllim ailəsində dünyaya göz açmışam. Məktəbi əla oxumuşam. İki ali təhsil: Leninqrad Texniki Universitetini və Bakı Dövlət Universitetini bitirmişəm. 1996-cı ildə Minera MMC müəssisəsini təsis etdim.

25 ildir biznes sahəsində müvəffəqiyyətli fəaliyyət göstərirəm. 2011-ci ildə təhsil sahəsində təsis etdiyim “Evrika” liseyinin bu il 10 yaşı tamam olur. Kollektivimizdə çoxlu sayda insanlar işləyir, əmək haqqı alıb ailələrini təmin edirlər. Dövlətimizin büdcəsinə vergi ödəyirik. Çox Şükür, yaşadığım həyatdan, qurub yaratdığım işlərdən, ailəm və kollektivimdən, dostlarımdan razıyam. Allahımdan çox razıyam, 8 noyabr 2020-ci il Qələbə gününü görməyi mənə nəsib etdi. Cənab Prezident, Azərbaycan Ordusu və Xalqı Azərbaycanımızı ucadan-uca etdi. Yaşamağa dəyərmiş.

Sizləri tanıdığıma və sizlərlə bərabər bu müvəffəqiyyətləri və qələbələri yaşadığıma görə çox xoşbəxtəm.

Sayğı və sevgilərimlə
Xudu Rzayev
21.11.2021

TOP